فيسبوك
واتساب
أقولك إيه وأنا ف حبك
عايش وبتعلم
أعيش الفرحة من خدك
وجوا الروح
كمان روح بتتألم
وأقول يا حب فين قلبك
دا عشقى خلاص هيتكلم
فين الحب مشتاقلك
غصب عنى محتاجلك
بكون ف الدم وف قلبك
تصرخ شكوتى منك
وجوا الروح أنا دمك
ولو تصحى من الأحلام
تانى بحنانى تنام
وتخاف لترمش عين
عيون العشق تتندم
تكمل حلم أنا جواك
وتحلم تانى أكون وياك
وأسمع همس ف غناك
وأصرخ وأنا ف هواك
وجوا الحلم من تانى
أقرب برده من تانى
وأمد شوقى لعيونك
ومن تانى راح أسلم
راح أكون تلميذ
ف العشق من تانى
واخد معايا الحبر من دمى
واخد معايا الصبر عنوانى
على كيفك لون أنت الحب
ولون كمان القلب
ومعاه قمر ونجوم
خلينى أنسى هموم
على كيفك أتحكم
واغزل م البحار البرق
ودموع وشهد وعشق
وأجمع وأشوف الفرق
وأكون تلميذك الشاطر
وأصرخ وأقول حاضر
هسكت خلاص بدموع
هسكت وهستسلم
عشان ف حبك أنا
أنا تلميذ وبتعلم
صورة ارشيفية
