خالد صلاح

برعاية سوبر كورة

سوبر كورة

خالد محمود الشافعى يكتب: ولسه يا مصر فيكى الخير

الأربعاء، 04 نوفمبر 2015 02:10 م
خالد محمود الشافعى يكتب: ولسه يا مصر فيكى الخير نهر النيل - صورة أرشيفية

مشاركة

اضف تعليقاً واقرأ تعليقات القراء
ولسه يا مصر فيكى الخير
وناسك لسه فيهم الخير
ماأنتى يا مصر كلك خير
ونيلك يشهد على خيرك
ولسه يا مصر بشهامتك
عايشه حره بكرامتك
ماشوفتش زى رجالتك
اتربوا وعاشوا من خيرك
عيشتى يا مصر يا حبيبه
يا معنى الصدق والطيبه
يا حره يا جدعه يا اصيله
تراب أرضك رواه نيلك
ولسه يا مصر فيكى الخير
ماأنتى يا مصر كلك خير
ولسه يا بلدى بتسامحى
وطيبتك باينه فى ملامحى
ماده اديكى بتصالحى
وحاضنه الدنيا بأديكى
سمار نيلك بيتغنا
جمال ليلك بيسحرنا
وبيكى الدنيا تحلالنا
وحلوه الدنيا بعنيكى
ولسه يا مصر فيكى الخير
ماأنتى يا مصر كلك خير

مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة