محمد رمضان يقلد "أحمد زكى" على الهواء فى "ممكن"

تقمص الفنان محمد رمضان، شخصية الفنان الراحل أحمد زكى، خلال لقائه وولدته وزوجته على الهواء، ببرنامج "ممكن"، على فضائية "سى بى سى"، مع الإعلامى خيرى رمضان.

وقالت والدة رمضان، :"خلانى اتخضيت.. فى أثناء تحضير دور أحمد زكى فى مسلسل سندريلا.. شوفناه بيتكلم فى المهرجان.. ومحد طفى التليفزيون ووقف قدامى حسيت إن أحمد زكى طلع من الشاشة".

وذكر رمضان، أنه قبل مقابلة الدكتور سمير سيف المخرج الذى اختار الممثل الذى يقوم بدور أحمد زكى فى فيلم سندريلا، فكان يقٌدم "بروفة" أمام والدته لتقليد أحمد زكى.

من ناحية أخرى، أعربت والدة رمضان عن استيائها من الشيخ خالد الجندى لهجومه على نجلها، قائلة :"محمد ممثل والناس بتهاجمه عشان "عبده موته" لكن عمره فى حياته ما يقول لفظ زى اللى قاله الشيخ خالد الجندى، محمد الممثل اللى عمل عبده موته مينفعش يقول لفظ زى اللى قاله خالد الجندى".

وتابعت :"أنا مش زعلانه منه.. أنا زعلانه عليه وشكله قدام الناس، مضيفة :"لأن هو عالم، والعلماء ورثة الأنبياء، ومينفعش حد من الأنبياء يقول لفظ زى ده.. والناس كلها غيرت فكرتها عنه.. وربنا يسامحه".