آه يا بلد مفيش حاجة بينك وبينى
ولا أعرفك ولا تعرفينى
كل المشكلة إنك ساكنة فى ننى عينى
كل ما بهرب منك كل ما أبعد عنك
بألاقى نفسى فى حضنك
وعينك فى عينى
كل أما باجى أقول بحبك
ألاقيكى بتصدينى
آه يا بلد نفسى أغنى وأنت بس اللى تسمعينى
ملامحى من ملامحك وطينك من طينى
نفسى أتكحل وأقفل عليكى عينى
نفسى أجيلك وتجيلى
أكتبك قصيدة ألاقيكى بتبكينى
أحترت معاكى وحيرتينى
نفسى ألاقيكى وتلاقينى
مش عارف ليه حاسس بغربة
نفسى تطبطبى عليا وتضمينى
نفسى مرة وحدة تسمعينى
آه يا بلد مفيش حاجة بينك وبينى
ولا أعرفك ولا تعرفينى
كل المشكلة أنك ساكنة ننى عينى
كل ما بهرب منك بلاقى نفسى فى حضنك
وعينك فى عينى
حبيبين
