الأعداد فيها فردى وزوجى
وأنا عايش فردى على طول
والأزواج بتونس بعض
وأنا ونسى مع فرد ملول
بيضيف فرد ويطرح فرد
وعن الناتج مش مسئول
الأعداد فيها فردى وزوجى
وأنا فرد على الزوج يتضاف
والزوج ع الفرد بيسيب فرد
من الوحدة يهرب ويخاف
الأعداد فيها فردى وزوجى
وأنا راحتى مع زوج مقسوم
فرد يهمه راحته وبس
وفرد يبات يصبح مهموم
الأعداد فيها فردى وزوجي
وأنا فرد من الزوج بيخاف
ومش لاقى فرد يكون شفاف
ونصبح فرد فى صورة زوج
عمر ما يقسمه أى خلاف
الأعداد فيها فردى وزوجى
وأنا عايش فردى على طول
إسراء عبد المنعم عبد الرحيم تكتب: ما بين الزوج والفرد
الأربعاء، 18 نوفمبر 2015 10:13 م
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة