لو نفسك فصل الشتا يجى.. افتكر بتحب فيه أيه مع هاشتاج "عارف يعنى أيه شتا"

"يا أااايام الشتا".. هى ليست أغنية "مريم فارس" ولكنها حكاية كل مصرى يعيش حاليا هذه الأجواء المتغيرة من غيوم وسطوع للشمس مع ارتفاع درجات الحرارة رغم بداية فصل الخريف منذ 23 سبتمبر الماضى، ليأتى فصل الشتاء سريعا بما فيه من برودة الطقس وهطول الأمطار وأجواء البرق والرعد.







وهذه الأجواء جعلت مجموعة من الشباب يدشنون هاشتاج جديدا على موقع التواصل الاجتماعى "توتير" ليرصدوا فيه ماذا تحب فى فصل الشتاء تحت اسم "عارف يعنى أيه شتا"، وتصدر الهاشتاج الترند الخاص بتوتير.






ومن بين المعانى التى رصدها الهاشتاج الشتاء يعنى "مفهوم الفرحة حرفيا.. المطر وريحته.. ليله الطويل.. الحمص اللى بالشطة.. البرتقال واليوسيفى، صابع رجلك الصغير يتخبط فى رجل السرير فتفضل تتنطط ساعتين زى فرقع لوز، صوت الرعد مطر خفيف ريحة حطب حليب ع النار، قاعدة تدفيه تحت اللحاف وكباية النسكافية وهاند فرى، مش هلاقى حد فى الشارع بالليل، يعنى شاى نعناع وهوت شوكلت والدخان طالع منهم".





واختصرت رحاب الشتا فى كوب من القهوة وأغانى منير وذكريات زمان والحنين لطفولة عدت من سنين، وشاركها الأصدقاء بصورة من صفحة "أساحبى" توصف شكل الجميع فى الشتا، ونقل نرمين مشكلتها فى الشتا وتقول: "الشتا يعنى تبقى غاسلة غسيلك ولا حد مثيلك وتنسى تحطى الكيس البلاستيك عليه تصحى تلاقية أسود وتخديه من سكات على الغسالة تانى".





ويستكمل الشباب وصفهم للشتاء ويقولون :"الشتا يعنى أقرأ رواية تحت البطانية على ضوء الموبايل، البطاطا من على العربيات فى الشارع، يعنى إقناع ساعة إلا ربع إنك تقوم من السرير والآخر تأخذ اليوم إجازة".