وهذه الأجواء جعلت مجموعة من الشباب يدشنون هاشتاج جديد على موقع التواصل الاجتماعى "توتير"، ليرصدوا فيه ماذا تحب فى فصل الشتاء تحت اسم "عارف يعنى إيه شتا"، وتصدر الهاشتاج الترند الخاص بتوتير.
ومن بين المعانى التى رصدها الهاشتاج الشتا يعنى "مفهوم الفرحة حرفيا.. المطر وريحته.. ليله الطويل.. الحمص اللى بالشطة.. البرتقال واليوسيفى، صابع رجلك الصغير يتخبط فى رجل السرير فتفضل تتنطط ساعتين زى فرق لوز، صوت الرعد مطر خفيف ريحة حطب حليب ع النار، قاعدة تدفيه تحت اللحاف وكباية النسكافية وهاند فرى، مش هلاقى حد فى الشارع باليل، يعنى شاى نعناع وهوت شوكلت والدخان طالع منهم".
واختصرت رحاب الشتا فى كوب من القهوة وأغانى منير وذكريات زمان والحنين لطفولة عدت من سنين، وشاركها الأصدقاء بصورة من صفحة "أساحبى" توصف شكل الجميع فى الشتا، ونقل نرمين مشكلتها فى الشتا وتقول: "الشتا يعنى تبقى غاسلة غسيلك ولا حد مثيلك وتنسى تحطى الكيس البلاستيك عليه تصحى تلاقية أسود وتخديه من سكات على الغسالة تانى".
ويستكمل الشباب وصفهم للشتاء ويقولون: "الشتا يعنى أقرأ رواية تحت البطانية على ضوء الموبايل، البطاطا من على العربيات فى الشارع، يعنى إقناع ساعة إلا ربع إنك تقوم من السرير والآخر تأخذ اليوم إجازة".
تم أضافة تعليقك سوف يظهر بعد المراجعة