يا نخلتين فى العلالى يا بلحهم دوا..مصر بكل حلاوتها فى موسم جمع البلح

365 يومًا يعيشها فلاحو مصر بانتظار وشغف للاستبشار بأول طرح للبلح، والذى ينزل من النخيل عليهم كنزول المطر من السماء بكل الخير والحب، ليطرح واحدًا من أجود أنواع البلح عالميًا وهو بلح الأمْهات المصرى، الذى يطلب بالاسم لحلاوته والعسل الذى يمتزج بطعمه المميز.

وفى موسم جمع البلح بمركز البدرشين، قررنا لقاء الفلاحين القائمين على هذه الزراعة المصرية الأصيلة ومعرفة همومهم وطموحاتهم وشكواهم لتبقى مصر كما هى حلوة بزراعتها المحلية وعلى رأسها زراعة النخيل والبلح.

ويقول محمود مرزوق، أحد المزارعين بمركز البدرشين: "المحافظة هنا كلها قايمة على زراعة وطرح البلح، اتعودنا خلاص على البصل فوق فى انتظار الطرح، والأفراح هنا تكون للصبح يوم جمع المحصول".

وأضاف: "النخلة تبتدى تطرح فى أواخر شهر مارس، وفى مايو نربط النخل، والقطف يبدأ فى سبتمبر وأكتوبر لما نختم آخر بلح فى شهر أكتوبر، والبلح المصرى معروف فى العالم كله بحلاوته اللى بتختلف تمامًا عن العراقى والسعودى وأى نوع من دولة تانية".

واستطرد "مرزوق": "أنا وعائلتى كلها نعمل فى هذه المهنة، والمحصول الحمد لله كان كويس السنة ومخيبش أملنا، والسنة الجاية إن شاء الله هيبقى أجمل وأحسن طول ما إحنا عايشين فى خير الأرض وبنصونها وتصونا".

أما أكبر هموم زارعى النخيل فى البدرشين فهى نقص المياه فى شهور يونيو ومايو وأغسطس، واختتم المزارع الأصيل قائلاً: "كل اللى نفسنا فيه أن النيل مبيخلش علينا ويروى أرضنا عشان نقدر نكبر ونزرع فى نخلنا".