الدسوقى رشدى منتقدا مهاجمى فيديو البلاشون:"الناس اقتنصوا الفرحة باحترام"

انتقد الكاتب الصحفى محمد الدسوقى رشدى، الأشخاص الذين هاجموا الفيديو المنتشر على مواقع التواصل الاجتماعى ويظهر بعض أهالى مركز البلاشون بمحافظة الشرقية، أثناء ممارسة لعبة الكراسى الموسيقية، قائلاً: "أهالى البلاشون عملوا مسابقات على قدهم حاجة تبعدهم عن الهم ومظاهرات الإخوان ورؤوس داعش والمشهد كان مبهجا ومفرحا، وحاولوا سرقة الفرحة من بق السبع، الغلاء والبهدلة والشماتة واللى مترصد للبلاد عشان تكون فوضى فهم اقتنصوا الفرحة بشكل محترم".

وقال "رشدى" خلال برنامج "الصحافة اليوم" المذاع على قناة "النهار اليوم": "مكنش منطقى أن احنا نشوف على مواقع التواصل الاجتماعى والمواقع سخرية من الناس دول اللى عايزين ينبسطوا، واللى يشوف ده زى ما يشوفه فى النهاية دول عالم بالها مرتاح وبيحبوا بعض على طريقة زمان".

ومن جانبه قال سامى الشحات المشرف على تنظيم دورات مركز شباب البلاشون والمشرف على صفحة المركز على "فيس بوك"، إن أهالى القرية يعشقون كرة القدم وحبينا نفاجئ الناس بالمسابقات فى نهاية الدورة، مضيفاً: اتفاجئنا من التريقة على الفيديو فى مواقع التواصل الاجتماعى، ولكننا تجاهلنا كل الناس اللى التريقة واحنا بنعمل حاجة تفرح اهل القرية".