"محمد صفوت السباعى" اكتشف موهبته الصوتية مبكرا وهو لا يزال طالبا فى المرحلة الإعدادية كما يحكى لليوم السابع: "مدرسة الموسيقى هى أول حد قالى أن صوتى حلو وشجعنى أغنى ومن ساعتها وأنا بغنى فى النادى ووسط أصحابى وفى الأوبرا لحد ما شاركت فى برنامج صوت الحياة وبرغم إنى موصلتش للنهائيات بس الأغانى اللى قدمتها علمت مع الناس وحققتلى شهرة معقولة ومستسلمتش للإحباط وبجهز دلوقتى لكليب أنتجه لنفسى".
فكرة "الكليب" الذى يجهز له "محمد" عبارة عن فيلم قصير يحكى موضوع الأغنية ويتحدث عنه محمد قائلا: "الأغنية فكرتها الروتين اللى بنعيشه بعد ما نخلص الدراسة ونشتغل ويبقى كل يوم نسخة مكررة عن اللى قبله وأن مش دى الحياة اللى لازم نعيشها وكل واحد لازم يدور على حاجات يعملها تعمل معنى لحياته وتجديد مستمر والكليب هيبقى تجسيد لكل المشاهد اللى بتصادفنا فى حياتنا اليومية الروتينية".
محمد خريج كلية التجارة جامعة عين شمس، يشجع كافة الشباب أن يتبعوا أحلامهم ويسعون وراء تحقيقها ولا يستسلموا للعقبات: "اللى هيخليك تفرق عن أى شخص غيرك أنك تسعى ورا حلمك مهما كانت الصعوبات ومتستسلمش للإحباط أو تخلى حاجة توقفك ودلوقتى الإنتاج مبقاش صعب لأنك ممكن تصور فيديو لنفسك وتنشره على اليوتيوب بسهولة وتحقق الشهرة والنجاح".
2. المطرب الشاب محمد صفوت
3. محمد خلال مشاركته فى برنامج "صوت الحياة"
4. محمد مع المطربة سيرين عبد النور
