العرق سوس المشروب الرسمى للشعب المصرى فى شهر رمضان

يعتبر العرق سوس من المشروبات المفضلة لدى المصريين بشكل عام، ولكن تزداد قيمته ويزداد تلهفهم عليه فى الشهر الكريم، نظرا لفوائده بالنسبة للتقليل من الظمأ وما يوفره من طاقة بمجرد تناوله بعد الإفطار.

ومن هنا أصبح المشروب الرسمى فى رمضان، وأصبح بائع العرقسوس هو رجل الأحلام الذى ينتظر ظهوره الجميع، ويتلهف لسماع صاجاته ليعلن عن مجيئه، ويريح قلب الظمأى والمترقبين.

يقول عم "أحمد" بائع العرقسوس فى حى المهندسين، لـ "اليوم السابع": العرقسوس بشكل عام من اكتر المشروبات اللى بيحبها المصريين طول السنة وخاصة فى فصل الصيف، لأنه من اكتر العصائر اللى بتروى وبتعوضهم المياة اللى فاقدوها فى جسمهم.

مضيفا: كمان رمضان من الشهور اللى الناس ما بتقدرش تستغنى عن شرب العرقسوس فيها، لان زى ما إحنا عارفين بيخلينا مانعطش أو بيروى الصايم، ولان رمضان جه فى الصيف السنة دى فى عز الحر الإقبال بقى الضعف.

بالنسبة لطريقة عمله يقول: ستات كتير بتحاول تعمله فى البيت، وهو فعلا طريقته سهلة بمجرد نقعه فى شاشة وتحليته وإضافة لون له عشان يبقى أغمق وبعدين تسقيعه وبقى جاهز للشرب.