الخضار الجاهز.. حلول الباعة للسيدات العاملات فى شهر الصوم

تعانى السيدات العاملات فى شهر رمضان، بسبب ضيق الوقت، ولكن دائما ما توجد حلول لهذه الأمور، الخضار الجاهز لدى الباعة هو الحل السحرى فى مثل هذا الوقت من العام.

يقول حسن منير أحد الباعة فى سوق أرض اللواء لـ"اليوم السابع"، "إحنا طول السنة بننضف الخضار ونحطه فى أكياس ونبيعه بس فى شهر رمضان بالذات بتجيلنا طلبيات كتيرة عشان الستات اللى بتشتغل بتكون عايزة حاجة جاهزة، لأن ده بيوفر عليهم وقت ومجهود كتير وعشان كده الخضار ده له سعر خاص فى رمضان يعنى مثلا لو الكوسة بـ3 جنيه بنبيعها بـ 5 جنيه وساعات 6 على حسب السوق وده بيمشى على كل الخضار، كل البايعين فى رمضان شغالين على نفس الطريقة، لأن معظم الستات بيشتغلوا وده بيخليهم عايزين حاجات جاهزة".

وتقول علا السروى موظفة فى محكمة الأسرة لـ"اليوم السابع"، "أنا فى شهر رمضان دائما ما أحتاج إلى أكياس الخضار الجاهزة، لأنها توفرلى الكثير من الوقت والمجهود بالإضافة إلى إنى لا أفضل الخضار المجمد لأنه مضر بالصحة لدرجة كبيرة، لذلك أعتمد على هذا النوع من الخضار، لأنه يكون طازج أيضا".