بالصور.. انخفاض فى أسعار الخضراوات والفاكهة قبل بداية شهر رمضان

تشهد الأسواق المصرية فى الفترة الأخيرة، انخفاضًا ملحوظًا فى أسعار الفاكهة والخضراوات، وعلى الرغم من ذلك إلا أن هناك حالة ركود فى حركة البيع والشراء لا مثيل لها، ففى هذا الوقت من كل عام يبدأ المصريين فى إعداد عدتهم قبل رمضان بأيام ولكن الأمر اختلف تماما هذا العام.

محمد حسن، أحد الباعة فى سوق أرض اللواء يقول لـ"اليوم السابع": "الحالة نايمة خالص مع إن الأسعار مش غالية زى السنين اللى فاتت والجديد السنة دى إن الأسعار نزلت جنيه أو اتنين قبل رمضان زى الكوسة الكيلو بقى بأربعة جنيه بس، يعنى نزلت جنيه والطماطم وصل سعرها لـ 3 جنيهات وده سعر كويس والباذنجان الأسود الكيلو بقى بخمسة جنيهات بعد ما كان بـ 6 جنيهات، أما الجزر فسعره زى ما هو 4 جنيهات، وفى ناس طبعا بتحب الخضار المتنضف جاهز وده بقى ليه سعره يعنى الكيلو بيزيد على سعره الأصلى 2 جنيه بس، وده بنعمله مخصوص للستات الموظفين، وبيكون فى إقبال فى رمضان عليه لأنه بيكون طازة ونضيف.

أما عن الفاكهة فهى الأخرى لم تخذل الأفواه المتلهفة عليها فلم تشهد ارتفاعًا كالعادة كما يقول التاجر أحمد الشربينى: "فاكهة الموسم مثل التفاح لا تتجاوز الخمس جنيهات والعنب يصل إلى 6 جنيهات والبطيخ يصل الكيلو فيه إلى اثنين من الجنيهات".