وإلى جانب الأشكال التى انتشرت مؤخرًا من "سبونج بوب" و"أنجرى بيرد" و"التوك توك"، جاء فانوس "السيسى" و"الجندى المصرى" و"جانجم استايل" لتكتسح الأسواق هذا العام.
ويقول محمد السيد بائع الفوانيس فى بولاق الدكرور "الفوانيس العادية تتراوح أسعارها بين 30 و25 جنيها، أما فانوس السيسى فبسبعين و65 جنيها، والناس بتشتريه علشان بتحبه".
وعلى عكس المتوقع، لا يردد "فانوس السيسى" أغنية تسلم الأيادى، ولكنه يردد أغنيات رمضان المختلفة، فيما يردد فانوس "الجندى المصرى" أغنية تسلم الأيادى.
"مى أحمد" واحدة من الزبائن التى أشارت إلى فانوس السيسى متسائلة عما إذا كان يردد أغنية "تسلم الأيادى" تقول لـ"اليوم السابع": "بجيب فانوس لابن أختى، لكن مش مقتنعة بأشكال الفوانيس دى، هى دلوقتى تعتبر لعبة لكن مالهاش طعم الفانوس بتاع زمان، علشان كده لسة محتفظة بفانوس من أبو شمعة من أيام طفولتى، لأن رمضان مالوش طعم من غيره".
أما عن سر إقبال الأطفال على هذه الأشكال فتقول "طبيعى لأنهم ما عرفوش طعم رمضان اللى عرفناه زمان، بالنسبة لهم الفانوس لعبة مش أكتر وبيحبوا تكون بشكل شخصيتهم الكارتونية المفضلة".
