بالفيديو.. السيسى لـ"المصريين بالخارج": تصويتكم ضرورة من أجل الوطن

وجه المشير عبد الفتاح السيسى، المرشح لانتخابات رئاسة الجمهورية، كلمة محبة إلى المصريين بالخارج، حثهم خلالها على ضرورة تصويتهم فى الانتخابات الرئاسية، وذلك بالتزامن مع انطلاق التصويت للمصريين المقيمين فى الخارج فى الساعات الأولى من صباح اليوم الخميس.

وقال السيسى، خلال الفيديو الذى بثته صفحته، "لكل مصرى ولكل مصرية إنتوا سيبتوا وطنكم عشان تجروا على لقمة العيش وعشان تعيشوا وتعيشوا أسركم وده أمر مقدر". مضيفا، "أنتم رواد فى التحرك مش هقول المغامرة، والخروج من مصر من أجل هدف نبيل وهو العمل، بتمنالكم كل التوفيق، مطلوب الناس تنزل وتدلى بصوتها".

وتابع قائلاً، "مش بقولكم كده عشان تصوتوا لحد بعينه، ولا يليق بحد مصرى إنه يوجه حد، لكل مصرى شايف إن عليه مسئولية يتحرك ويختار ما يشاء لكن هو بيختار عشان خاطر وطنه، بتمنى ليكم ولأسرتكم كل الخير والسلام، وأتمنى إن ربنا يعينكم على كل خير".