يجسد التمثال المعروض فى بازار "أسامة" بمنطقة الحسين شخص نوبى ببشرته السمراء وجلبابه الناصع البياض وعمامته يجلس على الأرض ويقرأ جريدة تظهر فيها صورة المشير السيسى مع عنوان عريض "انتخبوا الوحش"، ويروى "أسامة" حكاية ذلك التمثال الذى صنعه فنان من أهالى النوبة: "هدف الفنان "إيهاب" اللى نحت التمثال أنه يظهر حب أهالى النوبة ودعمهم للمشير السياسى وحب الناس كلها ليه وتانى حاجة الرد على الهاشتاج المسىء اللى عمله الإخوان لسيادة المشير، وردنا عليه هو "انتخبوا الوحش"، وفيه نسخة تانية من التمثال بتصور رجل نوبى واقف وبيقرا جرنال عليه صورة تانية للمشير ومكتوب عليه "السيسى فى القلب يا ولاد 60..."، ودى أقل حاجة ممكن يترد بها على جرائم الإخوان".
تماثيل "أسامة" مصنوعة من الفخار الذى يحترق فى الفرن ليحصل على شكله المميز والساحر:" تماثيل أهالى النوبة فيه نماذج منها بتتعمل للفلاحين وهم فى الأسواق لكن مبيبقاش ليها نفس جمال تماثيل النوبيين لأن لون بشرتهم السمراء بيبرز ملامح التمثال وملابسهم البيضا بتكون ليها زهوة وجمال بيخلى التمثال تحفة فنية والناس بتفضلها عن التماثيل التانية علشان كده مخصصين لهم المحل وكفاياهم تهميش".
رغم الركود السياحى الذى تعانى منه منطقة الحسين ككل إلا أن لتماثيل أهل النوبة سحر لا يقاوم كما يقول "أسامة" وخاصة تمثال النوبى الذى يقرأ الجريدة التى تظهر صورة المشير.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)