فى إحدى شوارع الزاوية يجلس محمد فى دكانه الصغير بين بضاعته، وقد ترك فى خارجه صورة على واجهة المحل تعلن رأيه السياسى، فهو مؤيد ومحب للفريق عبد الفتاح السيسى، فلم يكتفِ فقط بتعليق صورة المرشح، ولكنه وضع صورته بالجوار، واضعاً اسمه عليها معبراً عن حبه وتأييده للمرشح الرئاسى عبد الفتاح السيسى، محمد يقول لـ"اليوم السابع"، "أنا بحب الراجل ده من وقت ما شال الإخوان اللى كانوا عايزين يسرقوا البلد، أنا بحبه وهنتخبه وفخور أنى معلق صورتى معاه، وعايزين كل الناس تعمل كده".
أما الحاج منصور صاحب محل الذهب فى صاغة الحسين، فقال "أنا عايز أعلق فى كل شبر صورة للمشير، وهكتب عليها أنى بأيده.. أنا بحبه وعايز أنتخبه والمحل كله صور المشير، ولو أطول أعلقها على ضهرى هعلقها لأنى شايفه القائد بتاعنا اللى ههيخرج مصر من الأزمة، أنا كاتب أنى بأيد السيسى على اليفط عشان الناس تعرف أن فى ناس كتير مؤيدة ليه ويرحوا ينتخبوه زيّهم".
أما الحاج يوسف، فهو الآخر قد قرر أن يحول شارعه الصغير إلى معرض لصور مرشح الرئاسة عبد الفتاح السيسى بكل ما تحمله الكلمة من معنى، حيث يقول لـ"اليوم السابع"، "أنا من وقت 30 يونيو وأنا معلق صورة السيسى فى البيت عندى، بس بعد كده قررت أنى أعلقها فى الشارع عشان كل الناس تعرف أنى معاه، وبأيده، وكان لازم طبعاً أكتب عليها إنى بأيده وعايزه رئيس للجمهورية وفرحان أنى صورته بجانب صورتى".
