فيسبوك
واتساب
نقطة الانطلاق كانت بانوراما حرب أكتوبر فى طريق صلاح سالم واتجه ركاب الدراجات إلى المطار، وعادوا مرة أخرى إلى نفس نقطة الانطلاق مع أذان الظهر وتخلل الطريق الكثير من الاستراحات القصيرة.
الهدف من مبادرة "جو بايك" كما قال "محمد سامى" منسق الفريق: "الناس فى أوروبا بتعتمد على الدراجة كوسيلة انتقال وهدفنا نقل الفكرة لمصر، وبدأنا بعدد قليل من الدراجات زادت مع الوقت ومع زيادة الراغبين فى الانضمام لجولاتنا، ونتمنى أن يبدأ عدد كبير من الناس فى تنفيذ الفكرة ويستخدموا الدراجات للتنقل على الأقل فى المشاوير البسيطة لحد ما يبقى أسلوب حياة".
جولات مختلفة قام بها الفريق داخل وخارج القاهرة بهدف كسر روتين الحياة أو لتنشيط السياحة، فى البداية كانوا يتعرضون لمضايقات كما يقول "سامى" حتى بدأت الناس تعتاد على ظهور فرق الدراجات.
لا تبدأ أى جولة قبل أن يعلن "سامى" تعليمات الأمن والسلامة للفريق المصاحب له: "القواعد دى لازم الكل يلتزم بها عشان محدش يتعرض لأى خطر وفى قائد للجولة بيكون فى أول الطريق محدش بيتخطاه عشان ما ينحرفش عن خط السير وكلنا بنمشى صف واحد بالعجل على يمين الطريق ومعانا عربية دعم عشان لو حد عجلته فيها مشكلة يصلحها أو يبدلها وفيه متخصصين فى الإسعافات الأولية وعربيات ماشية ورانا عشان لو حد تعب يركب فيها لحد ما يستريح ويرجع يكمل تانى الجولة بالعجل".
