نشطاء يسخرون من خبر تجسس إسرائيل على مواقع التواصل الاجتماعى

أثار خبر تدشين جهاز الأمن العام الداخلى الإسرائيلى "الشاباك" قسما خاصا فيما يعرف بـ"حروب السايبر" تكون مهمته السطو والقرصنة على أى جهاز كمبيوتر فى العالم خاصة فى المنطقة العربية، والدخول بكل سهولة لملفات تلك الأجهزة والتجسس عليها من خلال عناصر مدربة على ذلك، من أجل رصد وجمع المعلومات الاستخباراتية، موجة من السخرية على مواقع التواصل الاجتماعى "فيس بوك وتويتر".

وتناول المصريون الخبر بالسخرية كعادتهم لتنطلق التعليقات مثل "لو على الفيس يبقى خير وبركة، لأنه هيجيلهم اكتئاب مزمن من النحنة والسحسحة بتاعت المصريين ومن كتر البوستات الكئيبة ولو على اليوتيوب يبقوا هيقضوها رقص بسبب أفلام السبكى" و"طبعا لو راقبوا الشات بوكس هيلاقوا كل اتنين بيحبوا بعض، وطبعا "الفايبر" شبكته مش كويسه على ما الكلمة بتوصل بيعدى سنه هيناموا جمبه".

ولم تقتصر التعليقات على ذلك بينما علّق مشارك "مش جديد عليهم هما خونه دى حركاتهم من زمان"، وسخر ناشط "أكيد مش هنقول أسرارنا العسكرية والإستراتيجية على الفيسبوك كده و فى العلن هما بس عايزين يحسسوا العالم إنهم مسيطرين".