معتز عبد الفتاح: "الإخوان" لم يكتشفوا أخطاءهم حتى الآن

وصف الدكتور معتز بالله عبد الفتاح، الباحث السياسى، الواقع السياسى المصرى، بأنه غير منطقى، متناولًا الأحداث التى تلت ثورة 25 يناير.

وأضاف أثناء تقديم برنامجه "باختصار" على قناة "المحور"، "مرة إخوان رفضوا التنافس على السلطة، وقالوا مش هنّافس على الرئاسة، إحنا خايفين يحصل فينا زى ما حصل لإخواننا فى غزة، وقلبوا الدنيا، وبمرور الوقت حصل لهم زى ما حصل فى غزة والجزائر، ولحد دلوقتى لم يكتشفوا أنهم أخطأوا".

وتابع "من تولوا السلطة خلال الثلاثة أعوام الماضية اتخذوا قرارات غير منطقية وصلتنا لكوارث، وده جزء واقع مؤلم نعيشه.. كان فيه شوية ثوار أعلنوا أنهم هيثوروا فى مجتمع بطبيعته محافظ، الناس طالبتهم بأن يتحدوا ويوصلوا للسلطة بسرعة، وكل ما حد نصحهم بحاجة يحاولوا يثبتوا أن الثورة مستمرة لحد ما ثاروا على أنفسهم، لغاية ما ضاع منهم كل حاجة".