غداً.. "من أحياها" تنظم "كرنفال العزبة" فى "أبو قرن" بمصر القديمة

فى عزبة أبو قرن بمصر القديمة قرر شباب جمعية "من أحياها" إعطاء الحياة لونًا جديدًا، ورسم الحوارى الفقيرة ووجوه الأطفال المحاصرة بالفقر والجهل، بخطوط الفرح والألعاب التى يستحقونها، فى يوم بعنوان "كرنفال العزبة" غداً الجمعة.

"كلنا حضرنا كرنفالات فى مصر الجديدة وفى المعادى والمهندسين وغيرها.. لكن أن يكون فى كرنفال لأهل عزبة أبو قرن وخصوصاً لأطفالهم ده هو المهم، وهو اللى ممكن يغير حاجة فى حياة هؤلاء الأطفال".. هذا ما تقوله شيماء طنطاوى، إحدى مؤسسات جمعية "من أحياها" لـ"اليوم السابع" عن مهرجانهم الجديد.

وتضيف: "الأطفال هناك فعلاً وحتى الكبار محتاجين يحسوا أنهم جزء من العالم، ليسوا فى جزيرة منعزلة لا تعرف شيئًا عن العالم ولا يعرف العالم عنهم شيئًا.. والناس اللى بتشوفوهم من بره أقوياء وتحس أن شكلهم بيخوف هم فى الحقيقة أطيب وأجدع ناس".

الكرنفال الجديد هو بداية لأنشطة متعددة ستقوم بها الجمعية فى منطقة عزبة أبو قرن ضمن برنامجهم لتطوير العشوائيات، والذى يهدف إلى بناء الإنسان عن طريق عدة برامج فى التعليم والتوعية والرعاية الطبية وتحسين الدخل.

مع دقات العاشرة والنصف من صباح غدٍ الجمعة سيتحرك أعضاء "من أحياها" من أمام سينما فاتن حمامة بالمنيل ليصلوا إلى موقع الكرنفال فى قلب عزبة أبو قرن، ليفردوا هناك مساحتهم للسعادة بأنشطة ترفيهية ورسم على الوجع ورسم جداريات فوق حوائط الحارات، وألعاب رياضية وطائرات ورقية، وحتى مسرح للعرائس.

وعن سؤالنا حول المشاكل أو المضايقات التى تتعرض لها الحملة أثناء العمل فى المناطق العشوائية، تجيب: "قضينا سنين طويلة شغالين فى عدد كبير من المناطق المعدمة تماماً، ودلوقتى بقى عندنا خبرة طويلة فى الترتيبات والتعامل مع الناس تخلينا نقدر نتعامل مع أى مشكلة.. أكيد فى البداية كنا بنتعرض، لكن دلوقتى بقى عندنا الخبرة اللى تخلينا نتجنب أى مشاكل".

وتشير: "حتى الآن فى عدد كبير من الشباب هيشارك فى اليوم وده بيدعم نجاحه بشكل كبير جداً، وده اللى بيخلينا دايماً نعمل دعوات كتير على الفيس بوك من خلال صفحة من أحياها، ونطالب الشباب بمشاركتنا لأن المشاركة دى هى اللى بتخلى اليوم ينجح أو يفشل".