تخلص من كراكيبك بيتك مشروع سوق الخميس بالمعادى

معرض صغير يجمع كل ما هو زائد عن حاجتك.. ملعقة قديمة، برواز قديم، ساعة يد شكلها مختلف أو حتى طبق للطعام؛ فهذه الأشياء الزائدة عن حاجتك ربما يحتاجها غيرك.

لهذا السبب أنشأ فريق "جزازى" سوق الخميس لبيع الأشياء القديمة فى منزلك أو مكتبك على طريقة تبادل المنفعة، واختاروا له مكانا داخل حى المعادى الراقى.

تقول أسماء فاروق أحد أعضاء فريق "سوق الخميس"، الفريق فى الأساس بيعمل إعادة تدوير للمخلفات الورق أو الزجاج أو أى حاجة قديمة نعرف نعمل منها حاجة مفيدة، ومن هنا جت لنا فكرة سوق الخميس اللى بنعرض فيه الحاجات اللى بنصنعها، وكمان قررنا هنا نعمل حاجة تانية تكون مفيدة للناس، وهى إننا نحاول مساعدة من لديهم "كراكيب" فى أن يعرضوها بأسعار رمزية لناس محتجاها بجد".

فى السوق أماكن مخصصة لعرض المشغولات اليدوية كما تقول: "بنوفر مكان كمان للى قادر يعمل حاجات يدوية هدفنا من يوم الخميس ده إننا نشجع إعادة استخدام الحاجات القديمة سواء كنا بنصنعها أو حتى الناس بتبيعها لحد تانى يستفاد منها".