كل ثلاثاء.. "صوت حر" يقدم المواهب ويسعد الناس بشارع المعز

بعيداً عن ضغوط الحياة والعمل اختاروا مكاناً أكثر هدوءاً وسط كل هذا الصخب، على قهوة صغيرة فى شارع المعز بالقاهرة الفاطمية تجمعت مع أصدقائها لتمحى ما طبعته الحياة بصخبها عليهم، يوم الثلاثاء من كل أسبوع، هو الموعد الذى اتفق عليه الرفاق ليبحثوا عن شىء جديد ومختلف وسط كل هذا الصخب الذى نعيشه حالياً.

اختارت إيمان صبحى، أحد أعضاء فريق "صوت حر"، أن تخصص يوماً من كل أسبوع على إحدى المقاهى بشارع المعز على طريقة برامج اكتشاف المواهب، ولكن بطريقة أكثر بساطة، وتقول إيمان "فى مواهب كتير قوى مظلومة ومحدش بيسمع عنهم أى حاجة، فقررت أنا وأصحابى فى فريق "صوت حر"، أننا نعمل شىء مختلف يعنى نعمل يوم فى الأسبوع نتجمع فيه على قهوة فى شارع المعز نسمع فيه من غير مقابل مادى بنصوره وبنعرف الناس بيه عن طريق "فيس بوك" أو الموقع الخاص بينا".

وتضيف إيمان، "أهم حاجة فى المتقدمين أن يكون صوتهم حلو، وأن يقوم بالغناء بدون آلة موسيقية هو بيغنى بالمجان والناس بتسمع بالمجان برضو، الحاجة اللى عايزين نوصلها أننا نساعده أنه يتعرف وأن الناس تقدر تخرج من ضغط الحياة بصوت حلو وجو مناسب وهادئ".