مغامر مصرى يستعد للسفر إلى الفضاء

يوشك المغامر ومتسلق الجبال عمر سمرة أن يصبح قريبا أول مصرى يسافر إلى الفضاء بعد فوزه فى مسابقة إكس سبيس أكاديمى، كان سمرة اختير ضمن 23 شخصا فازوا فى المسابقة للسفر إلى الفضاء فى 2015.

وكان سمرة (35 عاما) أول مصرى وأصغر عربى ينجح فى الوصول إلى قمة أيفرست وهو المصرى الوحيد الذى قهر القمم السبع بتسلق أعلى جبل فى كل قارة.

وقال سمرة "فكرة الطلوع للفضاء بدأت عندى قبل ما أطلع جبال أو قبل ما أبتدى أفكر أنى أطلع جبال. من وأنا عندى عشر سنين أو 11 سنة كنت دائما زى أطفال كثير فى مرحلة العمر دى.. كنت أحلم أنى أروح الفضاء وكنت أقرأ كثيرا جدا عن الخيال العلمى. لكن عمرى ما كنت أفكر أنى ممكن أوصل للفضاء لأن مصر ما كانش عندها برنامج فضاء.. ما عندهاش برنامج فضاء، والموضوع دا كان مقفول على ناس معينة من دول معينة ووكالات معينة زى ناسا والمرادف بتاعها فى دول مختلفة. والموضوع دا فضل كدا سنين طويلة جدا لحد سنة 2013 فى شهر اثنين (فبراير) ابتدأ طرحت مسابقة من شركة يونيليفر مع شركة هولندى أمريكانى اسمها سبيس إكسبلوريشن كوربوريشن أن هم يتيحوا الفرصة لأى حد بصرف النظر عن المجال اللى هو كان بيشتغل فيه أو خبرته أو الهوية بتاعته أنه يوصل للفضاء. فدى كانت فجأة الحلم دا رجع ثانى".

استمرت المسابقة تسعة أشهر فى عام 2013 وتنافس فيها نحو مليون متسابق من 68 بلدا فى ثلاث مراحل.

كانت المرحلة الأولى عبارة عن السيرة الذاتية لكل متسابق التى يشرح فيها أسباب رغبته فى السفر إلى الفضاء على نحو يقنع الجمهور للحصول على أكبر عدد من الأصوات. وقال سمرة إن عدد الأصوات التى حصل عليها فى تلك المرحلة كان من الضخامة بحيث أعفى من خوض المرحلة الثانية وصعد مباشرة إلى المرحلة الثالثة.

ونجح 110 أشخاص فى الوصول إلى المرحلة الثالثة من المسابقة وأقيمت بمقر إدارة الطيران والفضاء الأمريكية (ناسا) فى كيب كانافيرال وخضع المتنافسون فيها لعدة اختبارات.

وقال سمرة "حطونا فى ستة اختبارات. اختبارات اللى هى قوة الجاذبية.. اختبارات قوة السيطرة اللى هو جى فورس.. المناورات بالطائرة الحربية.. اختبارات لياقة بدنية.. قوة تحمل.. امتحانات فى الفيزياء وفى المعلومات العامة عن الفضاء وحاجات ثانية.. وبناء عنها اختاروا 23 واحد وأنا كنت الوحيد من الوطن العربى اللى يقع عليه الاختيار أن هو يطلع الرحلة دى".

وأضاف "التكنولوجيا بتاعة المكوك مختلفة عن أى حاجة قبل كدا لأن احنا بنطلع زى الطائرة وبننزل ثانى زى الطائرة على... ممكن.. فى مطار عادى.. أو ممكن فى يوم من الأيام الموضوع دا يحصل فى مطار عادى.. نطلع فى رحلة مدتها يمكن ما بين ساعة وساعتين ونطلع 105 كيلو فوق سطح البحر على أضعاف سرعة الصوت وبنوصل نخترق الغلاف بتاع الكرة الأرضية وبنوصل لمنطقة اللى هى منطقة اللا جاذبية اللى هى بالانجليزى بيسموها منطقة الرحلات شبه المدارية (بالانجليزية) وبعدين بنبتدى أن احنا ننزل ثانى وبعدين واحنا نازلين لازم بنعمل دوائر كثير جدا واحنا نازلين عشان نقلل سرعة المكوك واحنا داخلين غلاف الكرة الأرضية ثانى عشان دا بيبقى فيه مخاطر معينة فى المرحلة دى لحد ما ننزل ثانى".

ويعد عمر سمرة عدته فى الوقت الراهن لرحلتين إلى القطبين الشمالى والجنوبى ليضيفهما إلى قهر القمم السبع ويحصل على لقب الجائزة الكبرى للمغامرات.