يحكى إسلام أحمد عن الدعوة التى لا تمت بصلة لدعوات الزفاف المعتادة، ولكنها أقرب للصفحة الأولى من صحيفة، وكيف تم تصمميها، فيقول "شهر كامل بحضر لدعوة الفرح، وكل اللى فى دماغى إنى أعمل دعوة فرح مختلفة تماما عن اللى بيتعمل، وعشان إحنا بنشتغل فى الصحافة، فقررنا نعمل حاجة قريبة من شكل الجرنال، واستقرينا على الشكل ده، وبدأت المعاناة بقى فى جمع المادة من كل الكتاب اللى شاركوا فى الكتابة".
يستكمل إسلام حديثه "الكاتب أحمد رجب ومؤنس الزهيرى وإبراهيم عيسى وطارق حسين ومحمد عبد الرحمن ودعاء سلطان وسحر الموجى كلهم قرروا يشاركونى فى فرحتى، وكتبوا ليا كلمات تهنئة وإهداء على دعوة الفرح، وكمان محمود بدر المنسق العام لحركة تمرد كتب لينا فى الدعوة، أما الهدية المختلفة فكانت من الشاعر سيد حجاب اللى قرر يهدينا قصيدة بس مش على دعوة الفرح، ولكن قرر تكون هدية ليلة فرحنا".
وقت طويل استغرقه إعداد الدعوة كما يقول إسلام: "الدعوة خدت منى وقت كتير ومجهود أكتر فأنا كنت سكرتير تحرير ومخرج فنى ورئيس تحرير لدعوة الفرح، وقعدت أيام أجمع فى المادة، وأظبطها عشان تخرج بالشكل ده، وكمان لأنى رسام كاريكاتير فكانت لازم الدعوة تكون فيها صورة ليا أنا ورحاب، ودى اللى صممها رسام الكاريكاتير عمرو الصاوى، وكانت هدية حلوة تعبر عنى فى دعوة فرحى، وتعبر عن فن أنا بحبه وكمان رسام الكاريكاتير عمرو طلعت رئيس قسم الكاريكاتير فى جريدة التحرير، فقد أهدى لى أيضا رسمة مختلفة تماما، وكانت أيضا من أفصل الهدايا".
تم أضافة تعليقك سوف يظهر بعد المراجعة