حجاجوفيتش يشارك "اليوم السابع" حكاية أغرب مطعم فى العالم

يشارك الرحالة المصرى أحمد حجاج الشهير بحجاجوفيتش، قراء "اليوم السابع" حكاية أغرب مطعم فى العالم، والذى أقامه باكستانى فى النمسا تحت شعار "كل اللى تقدر عليه.. وادفع اللى أنت عايزه".

وقال "حجاجوفيتش" إن المطعم يفتح أبوابة للجميع دون استثناء ليدخلوا ويأخذوا من الطعام ما يريدون بداية من اللحوم والأسماك والدجاج وحتى السلطات والحلوى الغربية والشرقية، ثم يترك باب الدفع لكل حسب رغبته حتى لو كان تقديره للطعام يورو واحد.

"الغريب أن المطعم عمره ما خسر".. يقول ابن بطوطة المصرى متابعًا "المطعم اعتمد على فكرة جديدة والناس أقبلت عليه لدرجة أن المحلات المجاورة ليه دفعت الشرطة لمحاولة إغلاقه، وبسبب حب الناس ليه بدأوا يقفوا قدام الشرطة ويدفعوا للمطعم فلوس أكتر عشان يستمر فى تقديم الأكل".

ويشير الرحالة المصرى الشاب "المفاجأة هى جودة أكل المطعم، والتى دفعت الناس فعلا لمساندته ومن أول يوم فتح فى 2005 لحد النهارده مقفلش يوم خسران رغم أنى شفت ناس كتير جدا بتدخل وتطلع من غير ما تدفع غير يورو وعمال المطعم بيقابلوهم زى اللى دافع ألف يورو ويقولوا ليهم بنتمنى تشرفونا تانى".

ويكمل حجاج "وفى مرحلة الشرطة قررت تقفل المحل على اعتبار أن صاحبه مش نمساوى، وبسبب حب الناس الكبير لصاحب المطعم ولأكله قررت ست نمساوية أنها تتجوزه وتمنحه الجنسية النمساوية عشان يستمر حتى الآن".