"الزيات" و"عبد الكريم" و"طارق" يدعونك لـ"لم كرشك" فى شهر واحد

وسط مطالبات سياسية لا تنتهى بالتغيير أعلنوا عن مبادرة تغيير من نوع مختلف، اتخذوا لها شعار "لم كرشك" ولخصوا أهدافها فى عدة هى: كرشك مضايقك؟.. طب عندك ترهلات فى بطنك؟.. حاولت تتعرف على بنت ورفضت عشان كرشك؟.. بيضايقك وأنت قاعد تاكل؟..

المبادرة يقف وراءها ثلاثة طلاب فى كلية الطب للقضاء على "الكرش" فى مدة شهر واحد، يعود بنا إلى البداية "محمد طارق" صاحب الفكرة قائلا "فكرنا نعمل مبادرة هدفها أننا نتغير من جوانا قبل ما ندور على تغيير فى المجتمع وفكرنا فى مشكلة الكرش اللى بقى يعانى منها كتير من الشباب وبحكم دراستنا عارفين مدى خطورتها، وبدأنا فعلا فى التنفيذ يوم 26 يناير، وكل واحد من المشتركين بيعرف وزنه كام وفى نهاية الشهر المتفق عليه يعرف هو قدر يخسر كام كيلو".

"معانا كرشك هيبقى جزء من الماضى".. كلمات قالها "محمد الزيات" أحد مؤسسى المبادرة، ويكمل: "الدراسة الطويلة فى كلية الطب كانت سبب فى زيادة وزنى بسبب الإفراط فى تناول الطعام خلال المذاكرة، رغم معرفتى بأضرار الكرش لحد ما قررت أعمل وقفة مع نفسى وألم كرشى".

أما "محمد عبد الكريم" فيقول أن كل ما يتطلبه الأمر هو الإرادة والإصرار على الوزن المثالى مع قلة الأكل ومواصلة رياضة الجرى"، ويستطرد: "قدرت أحقق نتيجة هايلة، كنت 102 كيلو، وأصبحت 90 كيلو بس فى أقل من أسبوع".

"محمد" ينفى أن تكون مبادرتهم نوعا من الرفاهية قائلا، "دلوقتى طالب الطب ما بيتعرفش بالنظارة ولا البنطلون المشعلق ولا الشنطة السونسو نايد، لا خالص الكلام ده كان زمان، دلوقت فى 2014 طالب طب بيتعرف بكرشه تلاقيه ماشى مدهول ومش متناسق".