عبدالله: "لو بتحب مصر خلى عندك ضمير"

3 سنوات وأكثر قضاهم المصريون يحلمون ببلد مختلفة تماما عم رأوه على مدار ثلاثين عاما، حلما بالحرية والعدالة الاجتماعية والبلد النظيفة والمرور المنتظم، وتعليم مختلف وإعلام وطنى، هذه الفئة التى ينتمى إليها "عبدالله" الذى أعلن عن وجهة نظره من خلال فيديو صغير يحمل اسم "لو بتحب مصر خلى عندك ضمير".

فيديو قصير لا يتعدى الدقيقتين يجمع عدد من الصور لمجموعة أعمال يدوية مركب عليها صوت عبد الله يوضح فيه أن البداية يجب أن تكون من داخلنا عندما يقوم كل شخص فينا عمله بضمير، عبد الله يحكى لـ"اليوم السابع" عن سبب تقديمه لهذا الفيديو الآن" طول الفترة الماضية كنا بنشوف الأحداث اللى بتحصل وكنت بحدث نفسى وأقول لو عندنا رئيس كويس، والشعب حبه ووجده قدوة مصر هتبقى جنة، وكنت متخيل أن ممكن الإصلاح ييجى من فوق لتحت.. يعنى قرارات من فوق تنزل تنفذ البلد تبقى أحسن من الفترات إلى فاتت، اكتشفت أن الإصلاح مش هيجى اللى من تحت، فى حاجات كتير أوى فى حياتنا بنحسبها على النظام فى حين أن المفروض أننا من جوه نفسنا تبقى موجودة، يعنى مش قادر أتخيل مثلا الدول المتقدمة فى مواطن فيها يغش الأكل زى ما عندنا بيحصل، مش قادر اتخيل أن فى مواطن فى الدول المتقدمة بيرمى زباله فى الشارع زى ما عندنا، سلوكيات كتير عندنا تعوق أى رئيس أو أى نظام مهما كان" وأضاف "هذا الفيديو رسالة إلى كل المصريين، الذى يريدون أن تصبح مصر فى أفضل حال".

الشعب المصرى مصاب بأمراض كتير وسلوكيات كتير غريبة وعجيبة عن باقى العالم كله، والسلوكيات دى لو اتغيرت ولو اتبنى الإنسان المصرى صح هو ده رأس مالنا الوحيد فى البلد، لأن العيب مش فى المبانى ولا العيب فى الأجهزة ولا العيب فى المصنع، العيب فى إن لحد دلوقتى محدش نمى المواطن المصرى وتعامل بجدية على إنه يحسن من سلوكه".