احتفالات أهالى السيدة مستمرة حتى إعلان نتائج الاستفتاء مساء اليوم

مازالت الاحتفالات والفرحة تملأ منطقة السيدة زينب، استعدادا لإعلان نتيجة الاستفتاء رسميا مساء اليوم، السبت، مازال الأهالى يشغلون مكبرات الصوت، ويرفعون الأعلام وصور الفريق الأول "عبد الفتاح السيسى"، ومازالت أغنية "تسلم الأيادى" تتردد فى شوارع المنطقة، استعدادا للمؤتمر الصحفى الذى تعلن فيه اللجنة العليا للانتخابات النتائج النهائية للاستفتاء.

يقول "محمد راشد"، أحد أهالى منطقة حدائق زينهم بالسيدة زينب: "إحنا لما صدقنا نفرح، بقالنا زمان مكتئبين ومهمومين والفرحة ما بتدخلش بيوتنا، علشان كده قررنا نفرح بجد، خاصة أن مفيش أحلى من كده مناسبة نفرح بها، علشان كده لسه مستمرين فى احتفالاتنا" ومنتظرين النتيجة النهائية علشان نقيم الفرح لأهالى المنطقة.

كما تقول أم محمد إحدى سكان شارع المبتديان بالسيدة زينب "الناس اللى بتعلق تعليقات سخيفة على البنات والسيدات اللى رقصوا فى الشارع، هما أصلا مش مقدرين فرحتنا، إحنا اتخلصنا من هم كبير اسمه جماعة الإخوان الإرهابية، واللى مستنكر تأييدنا للفريق "السيسى"، مش مقدر إن الراجل ده بطل عظيم حط روحه على كفه علشان ينقذنا من اللى كنا فيه، علشان كده هو يستحق حبنا وأكتر كمان".
للمزيد من اخبار المنوعات..

بالصور.. موضة "ناموسية" السرير تعود من جديد

بالصور..أجمل فساتين الزفاف للعروس فى الشتاء

5 خطوات لتبدين جذابة بدون استخدام أية مستحضرات تجميل