أبرز تعليقات الطلبة على الفيس بوك وتويتر عن بداية الدراسة

عادت الدراسة وبدء الطلبة فى المذاكرة والدروس الخصوصية من جديد، ولم تنقطع سخريتهم من المدرسة على مواقع التواصل الاجتماعى "الفيس بوك وتويتر".

وتنوعت التعليقات الساخرة ما بين تعليقات حول الهروب من المدرسة والطرد من الحصص، وتجليد الكشاكيل والكراريس والذهاب للمدرسة فى وقت مبكر، وحول الزى المدرسى.

كما جاءت بعض التعليقات حول المدرسين "الإخوان"، حيث قال أحد الطلبة: " أنا لو أى مستر إخوانى ضايقنى.. هطلعلوا صورة السيسى ألزقها فى وشه"، كما انتشرت صور للجيش وهو يقوم بتوزيع الشيكولاتة على الطلبة مع تشغيل معظم المدارس لأغنية تسلم الأيادى.

ومن أبرز التعليقات الساخرة عن بدء العام الدراسى الجديد:

- فقط فى مصر الإجازة: اعتصامات، اشتباكات، مظاهرات حظر تجول.. الدراسة: باسم يوسف، ستار أكاديمى، Arab`s got talent والدنيا بتمشى زى السكينة فى الحلاوة.

- و"عملنا الديسك طحينة، وكتبنا عليه أسامينا، من فوق السور نطينا، ولا أمن يأثر فينا، وهربنا كتير ومشينا من قلب الحصة وأم الفصل ولا تهديد أثر فينا".

- "صيع براحتك فى الدراسة عشان هتتحبس فى الأجازة لازم نتعلم من غلطنا".

- "فى الدراسة الواحد بقى بينام زى الفرخة بدرى وبيصحى زى الديك بدرى".
- "لمايدخلك مدرس لسه جديد فى المدرسة ويطلب منك كشكول ١٠٠ ورقة سلك وأنت أصلاً القلم مابتجيبوش معاك "يو فييل لايك"ده جاى يحقق أحلامه هنا".
- "لبس المدرسة ده لوحده عقاب أصلاً".
- "يعنى أيه.. هرجع تانى اتطرد من الحصص".
- "أنا لما بيكون معايا أكل بستخبى من صحابى فى المدرسة".
- "إحنا انكتب علينا نسمع نفس الأسطوانة كل سنة وكل شوية نفس الكلام من ناس مختلفة عن المدرسة".
- "ﺷﻜلى ﺑـﻠﺒﺲ ﺍﻟﻤﺪﺭﺳﺔ ﺳﺎﺧﺮ، ﻫﺰلى، ﻏﻴﺮ ﺣﻘﻴقى، ﻏﻴﺮ ﻣﻮﺿﻮعى ﻭﻻﻳﻤﺖّ ﻟﻠﻮﺍﻗﻊ ﺑﺼﻠﺔ ﻭأى ﺗﺸﺎﺑﻪ ﺑﻴﻨﻪ ﻭﺑﻴﻦ ﺍﻟﻮﺍﻗﻊ ﻓﻬﻮ ﺃﻏﺮﺏ ﻣﻦ ﺍﻟﺨﻴﺎﻝ "!!
- "طب أنا راضى ذمتكم دى أشكال تصحى الساعة 7 وتروح المدرسة".
- الإقبال على الديسك الأخير تاريخى.

- "المجد لكل ولد مش بيروح يقف عند مدرسة البنات فى آخر النهار.. ده مجد ذات نفسه بيروح".

- "الأسطورة بتقول أن الوقت ده كل الطلاب بتجلد الكراريس.. يالا جلدو وحطوا استيكرات جديدة عليها".

- "بقى ده كلام يا جدعان أصحى من النوم ألاقيهم بيقولولى الأجازة خلصت دى حاجة تجنن يا جدع".

- "الدراسة هتخلص إمتى عشان أنا زهقت".

- "الطلبة بيتعاملو مع الدراسة على أنها فترة تجنيد".

- "ورجعت تانى لخطى العفش فى الكشاكيل والكتب".

- "وهو رجوع الدراسة فارق فى أيه ما إحنا بقالنا شهرين بادئين دروس".

- "عمرك ما هتنسى ناس كنت بتـقعد معاهم أكثر من أهلك "صحاب الدراسة".

- "فى فرق شاسع بين إن الدراسة تبدأ وبين أنى أبدأ أذاكر".

-دقت ساعة الدراسة.

-الإجازة: أنا فى انتظارك "مليت".

-"بمناسبة موسم الدراسة الإقبال النهاردة على أفران العيش البلدى والعيش الفينو تاريخى يافندم".

-"على سبيل أى حاجة: كلها 9 شـهور وتاخـد الأجازة يعـنى أنت والحامل واحد".

-على سبيل الدراسة، أنا هضبط المنبه على أغنية "مش هروح".