من شروط السفر فى الميكروباص.. "رفيع ومش مدخن"

"معلشى يا أستاذ اركب فى الكنبة اللى ورا، الكرسى هيكون أوسعلك وتستريح بدل ما تبقى قاعد مزنوق فى الكرسى القدماني".. بهذه الكلمات البسيطة قد يبرر سواق الميكروباص للزبون الذى يتصف بالحجم الكبير والوزن الثقيل، رغبته فى عدم ركوبه بجواره، حيث أن أغلبية السائقين يفضلون عدم ركوب أشخاص أصحاب أحجام كبيرة إلى جوارهم كما يقول "محمد عابدين" أحد سائقى الميكروباص الذى يسافر بالركاب إلى الصعيد: "السكة بتبقى طويلة ولازم أكون قاعد مستريح عشان أكمل سواقة، بس أحيانا الظروف بتضطرنى أنى أركب حد تخين جمبى، وغصب عنى بستحمل".

الشرط الثانى لسائقى الميكروباص هو منع التدخين على الركاب داخل السيارة، إلا أن البعض الآخر يسمح فقط لمن يجلس بجواره بالتدخين، فى حين قد يقبل البعض الآخر التدخين بصورة طبيعية طالما أنه لم يعترض أحد، حيث يضيف "محمد" أنا مبشربشى سجاير، بس اللى عاوز يدخن براحته طالما مفيش حد اشتكى.

الحمولة ليست فقط للطائرات فعلى أرض المحروسة يظهر قانون جديد للسائق وهو قانون الأحمال أو "الشيل" حيث يسمح للراكب فقط بحمولة لا تتجاوز شنطة صغيرة، أما أكثر من ذلك، فيحاسب عليها الراكب كما يقول "أحمد المحزم" أحد سائقى ميكروباص موقف المرج على خط الصعيد "الناس فى الصعيد بتحب تجيب شيل كتيرة، وكل ما وزن العربية بيتقل العربية بتاكل بنزين أكتر، عشان كده احنا بناخد أجرة على الشيل الزيادة اللى بتكون مع الزبون، وتختلف حسب كمية الحاجات اللى معاه".

mg src="http://img.youm7.com/images/issuehtm/images/youm/mecroobaaas/1 (1).jpg" />