نشطاء بالـ"فيس بوك" يسخرون من دعوة أنصار المعزول للاعتصام فى المترو

دعا أنصار الرئيس المعزول محمد مرسى إلى ما أطلقوا عليها "رحلة فى مترو الأنفاق" تبدأ من السابعة من صباح اليوم الأحد.
وأشار مطلقو الدعوة على صفحة "أسلفى" على موقع الـ"فيس بوك" أن الهدف من رحلتهم بحسب ما ذكروا "غل يد الأجهزة الأمنية والبلطجية وإفقادهم القدرة على التعامل مع الثوار"، وشرحوا لأنصارهم كيفية تحقيق ذلك بعدة خطوات أولها " مش هيكون فى أيادينا أى شىء يميزنا يعنى هنركب المترو كأفراد عاديين من جميع المحطات ومش هنرفع شعارات ولا بانرات ولا هنهتف، ويبقوا يشموا على ضهر أيديهم أنت راكب عادى ولا معتصم ".
الهدف الثانى لدعوتهم هو "إذا كان الحشد المطلوب قرابة الـ 80 ألفاً بإذن الله، هنقدر نخرج جهاز المترو من الخدمة يعنى مش هيقدر ينقل حد غيرنا وده هيتسبب فى زحام شديد ف الشوارع وخلال ساعة على الأكثر ستصاب العاصمة بالشلل الكامل يعنى عصيان مدنى شامل بدون قطرة دماء".

الهدف الثالث الذى ذكرته الصفحة هو "الشركة هتحقق خسائر لأننا هنركب المترو بتذكرة واحدة لمدة ثلاث ساعات والوقت ده الشركة ممكن تكسب فيه 7 جنيه مش جنيه واحد".
والهدف الرابع " كل الناس هتشوف بعينها نتيجة عدم احترام إرادة الأغلبية والعيش وفق الآليات الديمقراطية".

وهدفهم الخامس والأخير من هذا المخطط "إحنا مش ناسيين التجارة بالدين عشان فى الثلاث ساعات كل واحد هيلحق يقرأ جزء من القرآن ده، غير أنك هتتفسح فى مصر كلها تلت ساعات كاملين" داعيين أنصارهم فى ختام الدعوة "اقطع تذكرتك واتفسح معانا".

فيما أثارت الدعوة استهجان الكثيرين، حيث استنكرتها رشا حسن وقالت "إيه الغباء اللى يخليكم تعملوا كده وتعطلوا مصالح الغلابة"، فيما قال أحمد باشا "أنا مؤيد للشرعية ولكنى ضد تعطيل مصالح الغلابة حيث إن المترو وسيلة مواصلات مهمة.
وكتبت رانيا العيسوى "هذه هى القذارة فى أبهى صورها" وفى نهاية تعليقاتها أكدت ساخرة " متقدرش".