خالد الصاوى يرد على رجب طيب أردوغان بقصيدة

ردا على الخطاب الاستفزازى الذى يهل به علينا يوما بعد يوم رئيس وزراء تركيا رجب طيب أردوغان خاصة تطاوله الأخير على شيخ الأزهر الدكتور أحمد الطيب قرر الفنان خالد الصاوى الرد عليه بقصيدة من قصائده حيث كتب الصاوى ينتقد سياسته مقارنا بين ما يفعله حاليا وما فعله الأتراك العثمانيين سابقا وهذا نص القصيدة التى نشرها الفنان خالد الصاوى على صفحته الشخصية على الفيس بوك ووضع لها عنوان "رجب.. لا طيب ولا مانى".

الوالِدين فى المستشفى جانى
الندا هف كيانى
بقى أردوغان العثمانلى خاين بلاده الإخوانى
وسعت معاه راحت منه طلعت عليه يتحدانى؟!
إذن فحق عليك القول يا رجب لا طيب ولا مانى!
هاتوا الكتب هاتوا الكتبة وصحصحوا حزب الكنبة
وسخنوا كل المواتير واطمنوا
.. لينا الغلبة كفتنا طابة بالفواتير
ومفيش ف إيده إلا الغلبة البُق سهل ورغيه كثير
وساعات يجيب قطع الرقبة
شوف يا رجب عامل طيب حتجيب مهانة لجدودك
خلينى اقول قبلا لشعبك: من قلبى..
خليك ف حدودك ده اللى ظلم ف ميدان
تقسيم كان أردوغانك وجنودك
أنصفنا يوم وابقى نصيرنا واحنا رفاقك وشهودك
أما انت يا رجب السلاطين
يا سلطانية من المتحف سلطان ف عينك ده بعينك!
عامل خليفة وبتخرف واقع ف مصر ده شىء عادى الست روعة
وتشرف لكن حذارِ شبشبها لو حد هوّب
واستظرف وافكرك بليالى زمان فى داهية
انت ولياليكم من خمسمية سنة
إلا يومين هجم البلا مع أهاليكم عثمانلى دولت أغا
بَلْطَج واحتليتونا معاليكم ولبدتوا فينا تقولش قُراد تدبّحونا..
ونعطيكم ثلاث قرون يا رجب بقرون تمص دمى ف
كلابيظك قاطع طرق قطّاع أرزاق قصرك،
حريمك ومعيزك شاركت لحمى مع المماليك
واليوم وقعت ف أرابيزك زى امّا شوطتك من قرنين حديك بشمروخى..
واغيظك جدك حرامى ومسجل عرباً وغرباً
دايقينه سفاح يقطّع ويسجل ويحرف الحادثة
بدينه ملطوط ف ألف كتاب ملعون مافضلّهوش غير شياطينه
وجد جدك كان مجنون وفى التاريخ جم حاجزينه!
رجب ابن طيب أردوغلى ثروة بلاده من بلدى
هبيت عليه كان محتلى هبيت أحامى عن بلدى غوّرته
وماحلش عنى أرخم من اللزقة البلدى
وفشخته فى الشام والأناضول جيّش أوروبا على بلدى!!
والاحتلال طبعا مفهوم ثعبان ولازمه ثعبانته
خنزير يحن لخنزيرة
خفاش يعاشر خفاشته يعنى الغرض حلف الأوساخ
فارش على الترك ملايته هجم العدا على جيش بلدى
والمُشتهى تسقط رايته اتكتف المارد مصرى
وهو لسه بيتاوب يدوب صحى.. إوعى المصرى!
وهات أوروبا ونتكالب!! وفى الأساس فلاح مصرى
حفظ بسرعة وقام حارب اتثبتت أمم الظَلَما
شدت مدافع وركايب بعد أربعين سنة فى الحبسة
والسبع يستحلف للسور فتح القدر صفحة فولسكاب
وجه التاريخ قام قاد النور العسكر المصرى بيغلى عرابى
والحدث المشهور والمؤتمر فى الأستانة لجيوش أوروبا فتحها ماخور
من تحت راس جدك برضك بركت جمالنا فى الوحلة سبعين سنة جيش بريطانى
وصبحتوا ديوث الحملة عجزتوا ومرضتوا بسرعة جُلكوا بساطورهم والحلة
وقطّعوك نفس الحلفاء عملوا على شرفك حفلة!
حموت واضايقك أقولك إيه؟!
أيوة افتكرت اللى يذلك عمرى ما كنت انا مغرم بيه بس اعمل اللالى
واغزّك قائد بلادك بتعزّه بعيوبه.. برضه برقبتك
والله لانده لكمال بيه أتاتورك ينتفلك شنبك!
كفاية كده على ميتينك والحى يرحم أمواتنا
ارجع لوطنك ولدينك وبلاش تعفر سكتنا
عرّضتها ووِسْعِت عينك وعملت دوشة ف حتتنا
يا غلام أوباما يا زعامة!
حارقاك طبيعى ثورتنا يللا اجرى غور قبر يلمك ويلم شبكة أنصارك
يكفينا شرك يالخرسيس حابس يا أفعى بمسمارك
يا شعب تركى ما تتحرر شوف شعب مصرى بمنظارك شيل الورم..
ألف تحية لفنانيك ولثوارك عكر لى دمى رجب شرير تنح سِدِغ كداب
ومريض حرجع لأهلى المستشفى واضرب لى قرص من التمريض!
إياه يقف يوم ف طريقى خليه برجسُه مع التعريض ويا شعب تركى
سلام ثورة من مصرى مؤمن بالتحريض