سخرية شبابية بنكهة سياسية على نتيجة الثانوية العامة فى مواقع التواصل الاجتماعى

اشتعلت مواقع التواصل الاجتماعى بردود فعل مختلفة على نتيجة الثانوية العامة، وتنوعت التعليقات ما بين مواساة لمن لم يحظوا بمجموع كبير فى الثانوية العامة، وبين ذكريات طلبة الجامعة والخريجين عن نتيجة الثانوية العامة، وبين أخرى للطلاب أنفسهم يشكون الظلم الذى تعرضوا بالامتحانات الصعبة والظروف السيئة المصاحبة للامتحانات من أزمات سياسية وانقطاع متكرر للتيار الكهربائى، بينما جاءت غالبية التعليقات الساخرة بنكهة سياسية فى إشارة للأحداث الجارية فى مصر.

حيث تداول المشاركون على مواقع التواصل الاجتماعى خبرًا عاجلاً ساخرًا يقول "أنباء عن اﺷﺘﺒﺎﻛﺎﺕ ﺑﻴﻦ ﻃﻼﺏ ﺍﻟﺜﺎﻧﻮﻳﺔ ﻭﺍلأﻫﺎلى ﺑﺎﻟﻤﻮﻟﻮﺗﻮﻑ ﻭﺍﻟﺨﺮﻃﻮﺵ ﻭﺍﻟﻄﻼﺏ ﻳﺪﻳﻨﻮﻥ ﺍﻟﻌﻨﻒ ﻭﺑﻴﻘﻮﻟﻮﺍ ﺿﺮﺑﻮﻧﺎ ﻭﺇﺣﻨﺎ ﺑﻨﻔﻄﺮ"، فيما طالب آخرون "بتشكيل لجنة تقصّى حقائق فى موقعة الثانوية العامة"، وفى إشارة إلى اعتراض حزب النور المتكرر على الأسماء المقترحة لتشكيل الوزارة فى الأيام الماضية، كتب آخر "بيقولك حزب النور بيطالب بحجب أو تأجيل نتيجة الثانوية العامة حقنا لدماء الطلبة".

وكان للإخوان ومؤيدى الرئيس المعزول مرسى نصيبًا كبيرًا من التعليقات، حيث كتب المشاركون على مواقع التواصل الاجتماعى "واحد إخوانجى سقط فى الثانوية العامة أول ما أبوه دخــل عليه علشان يضربه عمــل نفســـه بيصلى"، وأنا باقترح على طلبة الثانوية العامة اللى مش عاجبهم المجموع يعملوا مليونية الثانوية والشريعة هاتلاقوا متضامنين كتير #إخوان_ستايل"، وكتبوا أيضًا "احفظ خطاب من خطابات مرسى وقوله لأبوك وأنت بتقوله النتيجة.. هينسى أنت فى سنة كام أصلاً"، وفى محاولة لمواساة الطلاب كتبوا "عايز أقولك أن مرسى خريج هندسة و البلتاجى و العريان طب.. إحمد ربنا إنك مش هتدخل كليات قمة عشان بقت عار دلوقتى".

وعلى الجانب الآخر، علق مؤيدو الرئيس المعزول مرسى قائلين "الإخوة اللى مجابوش مجاميع فى الثانوية العامة.. دايما خلّى عندك أمل.. دلوقتى كلية طيران حربى قسم حدف بيانات بتاخد من 50%"، و"ﻟﻴﻪ ﺗﺘﻌﺐ ﻧﻔﺴﻚ ﻭﺗﺬﺍﻛﺮ ﻟﻤﺎ ﻣﻤﻜﻦ ﺗﺠﻴﺐ 70% ﻭﺗﺨﺶ ﺣﺮﺑية ﻭﺗﺒقى ﻭﺯﻳﺮ ﺩﻓﺎﻉ ﻭﺗﻌﻤﻞ ﺍﻧﻘﻼﺏ ﻋﺴﻜﺮى ﻭﺗﺒقى ﺭﺋﻴﺲ ﺍﻟﺠﻤﻬﻮﺭية، أو تجيب 60% وتخش حقوق وبعدين تتخرج بمقبول تقوم تتعين قاضى وبعدين أبو 50% يعمل انقلاب ويمسكك رئيس جمهورية".