أحمد الشيخ يكتب: من ثوار الإسكندرية إلى ثوار القاهرة

ردا على قصيدة الرائع هشام الجخ "مكملين"
(احنا برضو مكملين)
ياللى قلتوا مكملين
احنا برضوه مكملين
حتى لو قدمنا مين
حيكون اقوى من اللى فات
اللى كانوا مخوفين فينا السكات
اللى كانوا بيبعونا فى الحياه قبل الممات
كان سلاحنا حلمنا يا نكملوا يا يقتلونا
محنش احسن من اللى مات
فطبيعى نكونوا لسة مكملين
للى داسوا على حلمنا
وهو عمره يا دوب يومين
ويقولوا دين
الغريبة انهم كانوا حاسين شعورنا
كانوا عرفين اننا من القهر ثورنا
يقوموا ييجوا يكملوا نفس اللى كان
طب اهيه صدورنا
شوفو احتختاروا منا بمين
لأنه لسه مكملين
معقولة لسه ميعرفوش
كل قطرة دم تنزل عمرها ما تروح فشوش
كل روح بتروح ما بيننا
بيجى بدلها جيوش
حبكم للسلطة بين شكل تانى للوشوش
واتبدلت اخلاق الحلم فيكم
واتحولت أخلاق وحوش
بس برضوه مكملين
حنلملموا حلم السنين
مهما كان الصوت حزين
ياللى كنتم بتقولنا أنكم فى الأصل دين
نسيتم دعوة مظلومين
منتم كنتوا مجربين
اعلموا علم اليقين
مهما كان اسوة قلبكم
احنا برضوه مصممين
ومكملين