صلاح عبد الله يرد على إدراج اسمه فى قائمة اغتيالات مدينة نصر بقصيدة

كتب الفنان الكبير صلاح عبد الله على صفحته الرسمية على موقع الفيس بوك قصيدة من تأليفه قام بتأليفها من 33 عاما بمناسبة إدراج اسمه فى قائمة اغتيالات مدينة نصر، حيث كتب "بمناسبة ورود اسمى فى قائمة الاغتيالات التى ضبطت مع خلية مدينة نصر المزعومة .. ههههههههههه .. مش عارف ليه ؟! أكيد مش أنا ولا إيه ؟ رقم ٢ فى الشخصيات الفنية فى ذيل القائمة، أكتب "أحضنينى الدنيا برد .. أحضنينى .. ولو حاولوا .. ياخدونى منك .. يخطفونى .. اخطفينى.. اخطفينى من إيديهم .. قبل ما أتنرفز عليهم .. فبل ما .. أهيج وأثور ..وأنا آخر مره ثرت فيها .. قاسيت كتييييييييييير أحضنينى الدنيا برد..أحضنينى بقلب جامد .. أحضنينى بشوق جديد .. أعصرى الكبت اللى راقد . بين ضلوع من حديد .. أعصرى الضيق الشديد .. أعصرى الحزن اللى سارح فى الشريان والوريد .. أعصريه وأعصرينى وخرجينى".

"خرجينى ماللى جوه .. دا اللى جوايا بلاوى . وأسرقينى من همومى بالحكاوى .. بالهزار.. بالغناوى .. بأى حاجه .. بس حاسبى فى أى حاله .. تفكرينى بإنى ضايع أو إنى فاشل أو إنى زى أى حد فى أى حاجه .. أقولك .. إعمليلى حاوي.. وحسسينى بإنى كائن ليا قيمه .. وإن فيا صفات كتييير .. هايله وعظيمه .. بإنى ممكن أكون .. رئيس حكومة أو نجم سيما.. بإن فيا .. مايشد حوا ليا .. بإنى بكره حصبح غنى وأصبح شهير .. بإن مستقبلى .. غير .. مستقبل التعمير .. غير مرتبط بهذا البلد .. اللى الفقير فيها لما أغتنى .. أصبح فقير".

وأضاف تمت بحمد الله، والله العظيم الكلام ده عمره ٣٣ سنة ويمكن زيادة".