فيسبوك
واتساب
استحالة يكون ده مصري
اللى يتجرأ ويحرق رمز بلدي
علمى ده عرضى وشرفي
علمى رمز للشهادة والتحدي
مات عشانه ناس كتير
كتبوا بدماهم عليه
تحيا مصر
يجى كام واحد حقير
يحرقوه.. ده يساوى إيه؟
والمصيبة إنهم
شايفينه نصر
فاكر يا صاحبي
لما كنا صغيرين
لما كنا فـ حصة الرسم
بنرسمه رمز الوطن
لما كنا نقف
بكل شموخ وعزم
نقول تحية العلم
النهاردة لما أشوفه بيتحرق
لازم أبكى من الألم
لازم أصرخ
لا للخيانة.. للإهانة.. للعمالة
بكره ياللى حرقتوا قلبي
تعرفوا قيمة العلم
وتبكوا دم من الألم
تبكوا دم من الألم
صورة ارشيفية
