المعلم أحمد يوسف، قال إنه لا يشترى كميات كبيرة من الخضراوات قبل العيد حتى لا تفسد خلال الأيام الثلاثة التى يغلق فيها محلها بسوق التوفيقية خاصة مع قلة الإقبال مقارنة بالسنوات الماضية، حيث كانت الأيام التى تسبق العيد تزدحم بالزبائن الذين يشترون بكميات لتكفيهم أيام العيد.
مضيفا:" الفلاحين اللى بنشترى منهم هما كمان بيكونوا معيدين وواخدين إجازة فبدل ما اشترى كمية كبيرة وأخسر فيها بشترى على قد اللى بيسحبه الزبون خصوصا الطماطم والخس والخضار اللى بيبوظ بسرعة أما البطاطس والبصل فمبيحصلهمش حاجة لو اتخزنوا كام يوم.
وأشار البائع إلى أن قبل العيد بأيام شهد انخفاضا فى الأسعار حيث وصل كيلو البطاطس إلى 5 جنيهات ونصف وكيلو الكوسة 4 جنيهات وكيلو البذنجان العروس 2 جنيه ونصف وكيلو البصل 3 جنيهات ونصف وكيلو الخيار 4 جنيهات، أما كيلو الفاصوليا فهبط إلى 5 جنيهات بعد أن كان سعره 12 جنيها، مضيفا: "الأسعار نزلت بعد ما كان كيلو الخضار الواحد مبيقلش عن 6 جنيهات والحاجة بيزيد سعرها لما تبقى قليلة فى السوق لكن لما بتزيد بترخص لأن كل بياع بيبقى عاوز يبيع اللى عنده عشان ميبوظش".
