نصر فتحى اللوزى يكتب : حبك مش علم على الوشوش مرسوم

الخميس، 17 يناير 2013 05:11 م

صورة ارشيفية

ليلى نهارى انا بيكى ياحبيبتى مهموم
جوايا الم وانين وحزن بصوت مكتوم
أملى اقتصادك ينور لنا من غير غيوم
نفسى حفيدى يبات ليلته مش محروم
نفسى اشوفك زى زمان آعلى النجوم
والخير يزيد بعرقنا دايما يوم بعد يوم
وانتماءنا ليكى مننا مبدأ يكون مفهوم
نبنى نعلى ونرفض كل صوت مسموم
حبك مش علم على الوشوش مرسوم
حبك صوت المكن مش صمت مشئوم
حبك سواقى الخير لقلبى بحبك مكلوم
حبك عمل بالعرق يعطر جيوب الهدوم
كدا يكون حبنا ليكى منا للاجيال معلوم
ويبقى حبك بالعمل فى القلوب مرسوم
***