بائع عرقسوس يسأل: "هو مفيش انتخابات تانى؟.. دى كلها رزق"

وضع عربته المتنقلة أمام مجمع مدارس بالهرم، تجرى فيه عمليات الاقتراع، ومارس دأبه فى النداء على التمر ولله الأمر، والعرقسوس مش مدسوس، وتمنى من الله أن يجعل السنة كلها انتخابات، هو "ناصر السيد" أحد الباعة الجائلين الذين استغلوا فرصة الانتخابات وارتفاع درجات الحرارة لبيع مشروباته للناخبين، ويسأل أحدهم" بقولك يا أستاذ؟، هو مفيش انتخابات تانى قريب؟.. دى كلها رزق.

وعن أمنياته فى الرئيس الجديد يقول: أتمنى رئيسا يشعر بمعاناة الفقراء الحقيقية، يفكر فى أن يقرضنى ولو 3 آلاف جنيه، لأؤجر محلا صغيرا، يرحمنى من حرارة الشمس، والتجول طوال اليوم ويتساءل هل هذا كثير؟ ويجيب: مفيش حاجة تكتر على ربنا إللى حبس مبارك بعد الظلم ده كله.. ربك رب غلابة.