دشن مجموعة من الشباب جروب جديد على الفيس بوك يدعو شباب مصر إلى بذل كل غالى ونفيس من أجل مصر كما أشار إلى أن كل مصرى يحب مصر لابد وأن يقدم شيئا ولو بسيطا على قدر استطاعة كل فرد يعيش على أرض مصر ووصل عدد مشتركى الصفحة ما يقرب من خمسة آلاف مشترك حتى الآن.
قال محمد محيى مؤسس الجروب لليوم السابع إن الجروب يدعو كل شباب مصر للعمل من أجل مصر وإنه بصفته طالبا بالمرحلة الثانوية سيقوم بدعوة كل زملائه من أجل بناء مصر.
واستخدم الشباب ألفاظا وعبارات تدل على ولائهم وانتمائهم لمصر منها "كل واحد فى الجروب ده داخل علشان بيحب مصر لان هو مكتوب شباب بيحب مصر وعلشان أنت بتحب مصر يبقى لازم تعمل حاجة تثبت لها انك بتحبها من النهاردة دى بلدك أنت، تاريخك أنت، وطنك أنت، بيتك أنت. ماترميش زبالة، ماتكسرش إشارة، ماتدفعش رشوة، ماتزوّرش ورقه، اخلص فى شغلك. تطوع انك تساعد الناس اللى محتاجين مساعدة. هنعامل بعض بالتساوى مفيش حد أحسن من حد الغنى زى الفقير. اعرف حقوقك وواجباتك عشان محدش يعتدى على حقك أو تعتدى على حق حد. ادى صوتك فى الانتخابات، ما تعاكسش البنات، ماتقولش "وانا مالي".. اشتكى أى جهة تقصّر فى شغلها.. بإدينا نقدر نبنى بلدنا، أبدأ التغيير الذى تريد أن تراه فى مصر. أبدأ بنفسك أولاً. المصريين كلهم ايد واحده،عود نفسك تحب بلدك ، عود نفسك تشعر بيها.. عود نفسك تراجع تاريخها ... عود نفسك تتكلم عنها ... عود نفسك تجاهر بحبها.. أكيد تعمل حاجة ، أكيد من حبك فيها مش هتلوث جوها ... أكيد من حبك فيها مش هترمى زبالتك فى شوارعها.. أكيد من حبك فيها مش هتشتم فيها ... أكيد من حبك فيها هتحب ولادها اللى زيك.. أكيد من حبك فيها مش هتخرب ممتلكاتها ... أكيد من حبك فيها مش هتشوه عملاتها بكلام فارغ ... أكيد من حبك فيها ....هتعمل حاجات كتير ؟؟؟ ، زور معالمها ... اعمل فريق و حاول تنهض بشئ فى بلدك، جمل شوارعها، اعمل كورسات فى أى شىء تعرفه.. حاول تحل مشاكلها.
أخيرا ردد على لسانك كلمات النشيد الوطنى وشوف أنت عايز تعملها حاجة عشان بتحبها ولا لأ ".
كتب أمين صالح
مشاركة
اضف تعليقاً واقرأ تعليقات القراء
مشاركة
