عم الفولى: "مفيش هلال ولا جمل والغلابة بيتحكموا فى الصندوق"

"أنا بواب غلبان كان الحزب الوطنى بيدينى 200 جنيه وبطانية وكيلو لحمة، وكنت برفض أروح أدى صوتى، لكن أول مرة النهاردة أمسك القلم بإيدى وأدى صوتى علشان الاستقرار".. بهذه الكلمات برر الحاج محمد الفولى، والذى يتخطى الستين من عمره، سبب حضوره إلى لجنة مدرسة الشهيد عبد الحافظ بالسيدة زينب.

وأعرب "الفولى" عن فرحته بالحرية التى يتمتع بها بعد أحداث ثورة يناير، مرددًا "الحمد الله كان نفسى أنتخب من زمان وكنت برفض علشان عارف إن صوتى لا هيقدم ولا يأخر، لكن النهارده الوضع مختلف، لأول مرة أحس بقيمتى فى بلدى".

وتابع عم محمد البواب حديثه قائلاً "لأول مرة ميتعرفش مين اللى هينجح، وفى الانتخابات اللى فاتت كنا عارفين إن مفيش غير الهلال والجمل، لكن الأمر اختلف المرة دى علشان الشعب والناس الغلابة اللى زيى هما اللى بيتحكموا فى الصندوق، مش رجالة الحزب الوطنى".