سرطان وطاير ف الرئه
بيحوم ويقصف أشلائها
جزار بينهش لحمها
حانوتى واقف على بابها
والأرض نزفت والحجر
سراب أسود
والعيال... ما يعرفوش يعنى أيه كلمة خطر
مايعرفوش يعنى أيه كفن أبيض
عشان كده
قامت بسرعة أمهم
قفلت شباك الشقة.. وحكتلهم
حدوتة حلوه صغننه
عن الملايكه
والأمان
والجنة والنور والسما
وبعد ما ناموا العيال
واتغطوا بلحاف الهنا
شق السراب جلده المخيف
قطّع بأيده قلبها
صرخ وقال الأب مات
وف عينه صورة لحلمها
مشاركة
اضف تعليقاً واقرأ تعليقات القراء
مشاركة
