منة عرفة: كان نفسى أكون كبيرة لأتبرع بالدم

"لو أخويا احتاج دم لازم أتبرع له" هكذا عبرت الممثلة منة عرفة سفيرة الطفل العربى على هامش احتفالية مبادرة الحملة القومية الشبابية للتبرع بالدم، وهى الحملة التى قامت بالاشتراك فى تأسيسها من البداية، وقالت "حاجة كويسة إننا نتبرع بالدم للى محتاج طالما إحنا قادرين وكويسين لأننا منعرفش بكرة ممكن يحصل إيه، وممكن إحنا اللى نحتاج للدم، وبعدين عشان ربنا يحبنا لأنه دعانا إننا نساعد الناس، وكمان التبرع بينقى جسمنا، وأنا لما عماد أنور قالى على الفكرة فى البداية اقتنعت بها لأنى فكرت لو أخويا محتاج الدم أكيد هتبرع له، وكل الأطفال إخواتى، ونفسى أكبر عشان أقدر أتبرع، وبقول لكل أصحابى فى سنى إننا لازم نعرف من دلوقتى إننا منبخلش على أخواتنا بدمنا لما نكبر".

جاءت منة فى منتصف الحفل، حيث اشتركت فى اللعب مع الأطفال، وفى النهاية قامت بتوقيع هرم الدعوة الذى سيتم إرساله إلى "أوبرا وينفرى" لدعوتها إلى المشاركة فى اليوم العالمى للتبرع بالدم فى مصر، وقام بعدها الأطفال الحضور بالتوقيع.