أنا بنى آدم غلبان
فى غيرى عمرى ما أكون طمعان
مؤمن بالقسمة والنصيب
وعارف إن كل شئ بأوان
لا عمرى بصيت للى فى ايد غيرى
ولا قلت اشمعنى ونمت حيران
كل واحد بياخد حظه
ومفيش حد ب ينام جعان
أهم حاجة ترضى
عمرك ما تحس بالحرمان
أما الطماع تلاقيه مضايق
ومهما شرب عطشان
ومهما ربه منحه يقولك
برضه كمان
صدق اللى قال
مفيش غير التراب
يملى عين الإنسان
ربك عمره ما ينسى حد
ده ربك كبير قوى
سبحانه معطى ومنان
لو يوم نفسك بصت لغيرها
قولها انسى
دى أرزاق ومقسمها الرحمن
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة