ستة أكتوبر عاد أمجادنا صحح وضع ف كل مجال
هبت كل أسود الجيــش لازم نعدى خط قنــــــال
نمسح دمع لنكسة كئيبة وصدق النية مافهياش محال
سينا وطابا عادت لحضنك غنوة فرايحى بكعب غزال
جيشك حطم إيد الظلـم وعُمْرالظلم مايبنى أمال
كان طمعان يخش بلادنا ابنك ثار بنار زلــــــزال
خلاه يصحى يلاقى قيامة دا مصر اتغير فيها الحال
عادت مصر لكل تاريخها دا النكسة كانت سوء أحوال
إزاى مصرتعيش بهزيمة؟! ومعاها خيرالجند رجال
جيشك غيـَّر فن الحرب عزيمة إرادة تهز جبــال
خلا عدوك أصبح عبرة خلاه طول العمر مثـال
كان مغرور هيمان متكبر راسم وهم بفكر خيــال
بيقول نيل وفرات حدودنا بيهوى الكدب وكل ضلال
جيشك حطم كل مطامعه وحلم الباطل راح واتزال
ابنك جابلك نصرهديـة مِسك يفوح من تحت رمال
الله وأكبر سر نجاحنــا مجد يعيش عبر الأجيال
ستة أكتوبر عاد أمجادنا صحح وضع ف كل مجال
مشاركة
اضف تعليقاً واقرأ تعليقات القراء
مشاركة
