حقك عليا يا شهر الصوم
حقك عليا بجد بجد
تلات ترباعك راح فى النوم
خدتك هزار ونسيت الجد
يسرا ولوسى وميرفت أمين
شفت التلاتة ما نفعنى حد
مسلسلات على قمر الدين
قهوة وشيشة هدتنى هد
كان عقلى فين كان أهلى فين
العيب عليا ومابالومشى حد
مريت عليا كأنك يوم
صعبان عليا مرورك مر
معقولة عدت تلاتين يوم؟؟!
صعبان عليا يا أجمل شهر
ما بين قطايف ومكسرات
ما بين برامج ومسلسلات
فنانين على رقصات
طرت منى ومابالومشى حد
غير نفسى مين ممكن ألوم؟؟
ما فضلشى منك ولا نص يوم
تجرى أوام والعيد يهل
فتحت بُقى وموزبهل
إمتى تانى تعود أوام
أوام تعالى وبجد وعد
هتيجى تانى وبعد عام
هاتشوف ساعتها هاخدك بجد
سمر طاهر
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة