بالصور.. حلول صينية للفلوس المصرية المعدنية

علبة معدنية أسطوانية الشكل سوداء اللون على شكل ميدالية مفاتيح، بدأت تنتشر فى محلات "اتنين ونص" وبعض البوتيكات الصغيرة، وهى خاصة لحمل العملات المعدنية من فئة جنيه مصرى.

المنتج الصينى المنتشر بالسوق المصرى حالياً كان يباع بـ "اتنين جنيه ونصف"، وبسبب إقبال الناس على الشراء ارتفع سعر العلبة التى تشبه الحصالة إلى ثلاثة جنيهات ونصف.

عبد الفتاح سيد (22 عاما) "سايس" يقول: "اختراع روعة بالصلاة ع النبى، أنا جبت 5 علشان تقريبا معظم الفلوس اللى بناخدها بقشيش من الزباين جنيهات فكة".

أما رانيا محمدى (19 عاما) طالبة جامعية فتقول: "هى فكرة ممتازة طبعا بتلم الجنيهات الفكة بدل ما بتتنتور فى الشنطة".

محفوظ محمد (32 عاما) يقول: "أنا اشتريت منها للولاد بس شلت منها الميدالية علشان بتبقى تقيلة وممكن تتسرق، وقلت للولاد يحوشوا فيها الجنيهات الفكة"،

أما ماجدة السيد (44 عام): "والله الصين مخلتش حاجة محتاجينها إلا وعملتها وبسرعة، ح أقول إيه؟! شاطرين".