لماذا لا يحتفل الكثيرون بعيد الحب

هل فقد الناس الإحساس بالحب وسط كم المشاعر المتناقضة والضغوط النفسية التى يدورون فى فلكها يوميا، هناك بين الناس من يرفض الاحتفال بعيد الحب أو الاعتراف به وهناك من ينتظره ليعبر عن حبه، اليوم السابع يلتقى البعض ويحاول معرفة السر فى عدم الاعتراف بعيد الحب.

هدى حسن رضوان متزوجة ولديها 3 أطفال تقول "كلام فارغ المفروض اليوم اللى يعدى عليا بخير يبقى عيد حب مش شرط يكون يوم واحد فى السنة، يعنى مش نكون فى مشاكل على طول ويجى يوم ونحتفل طب على إيه".

وتختلف معها دعاء أحمد كمال، مخطوبة، قائلة عيد الحب ده حاجة حلوة قوى المحلات الملينة بالهدايا الحمرة بتخلى للدنيا بهجة، بشوف كل الناس فرحانة وبحس أنها بتنسى المشاكل".

ومن جانبه يقول سيد حسن محمود، متزوج، حاجة جميلة أن يكون هناك عيد تجتمع الناس فيه على الحب بس الأحلى إن يكون الحب فى كل وقت عشان بالحب "هنتغلب" على ظروف الحياة الصعبة.

صلاح عبد العال إبراهيم، متزوج يقول "كل واحد فينا بيحب يعيش أيام حلوة ومينفعش نختصرها فى يوم واحد، المفروض إن لما نحس مشاعر حلوة لازم نقولها على طول عشان نخلى كل يوم عيد حب علينا" .

أما صفاء محمد عبد الوهاب فترى أن عيد الحب "اختراع من بره مالوش علاقة بينا وتضيف، إحنا حياتنا كلها حب فى حب، بس اللى فاضى يشوف ويعرف" وتضيف هدى أبو الوفا: "الحب شىء من الرفاهية فى وقت بقت فيه كل حاجة جامدة الناس بتفكر إزاى تحب بس وهيه رايقة وحتى كتير مننا ما يعرفش يعنى إيه أصلا أو إزاى يحب".

اليوم السابع يحتفل مع قرائه بعيد الحب المصرى
لو أنت "سينجل" هتعمل إيه فى عيد الحب
المتزوجون فى عيد الحب: خلوا العيد لأصحابه
عشاق يحتفلون بالمفاجآت.. وآخرون تكفيهم كلمة حب.. وفريق يراه "بدعة"
الزهور زى الستات لكل لون معنى ومغنى