خروف "الضحية".. قسط وإيجار

يبدوا أن الارتفاع المبالغ فيه فى أسعار الأضاحى من الخرفان، دفعت المواطن المصرى إلى ابتكار طرق جديدة يستطيع أن يحصل بها على الخروف ليسعد عائلته، فقد تراوح سعر الخروف هذا العام ما بين 1500 إلى 2000 جنيه حسب حجم الخروف، بينما وصل سعر الجدى الى 700 جنيه، مما دفع بعض المواطنين إلى تقسيط سعر الخروف إلى التاجر.

يقول محمد خالد، أحد التجار فى عين شمس الغربية: " السوق السنة دى هادى والناس مش ملاحقة، وطبعا بيجيلى ناس تاخد خروف وتقسط ،بحيث إن آخر قسط بيدفعه الزبون بيكون يوم استلامه للخروف يوم الوقفة أو قبلها بكام يوم، وفى ناس جاتلى متأخر وكانوا عاوزين يقسطوا، برضة الواحد ميحبش ينكد على حد فباخد اللى يضمن لى حقى وبديلهم الخروف".

ولم يكن هذا هو التحايل الوحيد، فالبعض لم يستطع توفير القسط الذى يؤهلهم للحصول على خروفهم، ويضيف خالد : "فى ناس بقى بتجيلى تأجر الخروف بس وبتدفع 5 جنيهات فى اليوم ده غير أكل الخروف اللى على حسابها، وبتاخد الخروف يوم أو يومين قبل العيد علشان منظرهم قدام الجيران والقرايب وبيرجعوه بليل من غير ما حد يحس، وطبعا باخد بطايقهم وساعات بيسيبوا حاجة رهن لحد ما يرجعوا الخروف، وانا باقول أهو توفير للأكل اللى هياكله الخروف وباديهلهم علشان السوق واقف فعلى الأقل باستفيد من إيجاره".